Salat «Çəhrayı blüz»

Hazırlanma vaxtı:
Salat «Çəhrayı blüz»

Tərkibi və istifadə olunan ərzaqlar

  • 5 ədəd toyuq yumurtası
  • 2 ədəd toyuq budu
  • 700 qr təzə şampinyon göbələyi və ya 1 banka konserv. göbələk
  • 1 ədəd kök
  • 1 ədəd baş soğan
  • 500-700 qr pomidor
  • zövqə görə mayonez (və ya sarımsaq sousu)
  • zövqə görə duz
  • zövqə görə göyərti
  • 1 ədəd ağ turp (bəzək üçün)

Hazırlanma qaydası

1. Şəkildə bəzəkli və ilk baxışdan qəliz görsənsədə əslində bu salatın hazırlanması çox sadədir. Vitaminlərlə zəngin olan bu salat bayram günlərində sizin süfrənizi bəzəyər.

salat-cehrayi-bluz-1


2. Soğan təmizlənib xırda doğranılır. Kök təmizlənib iri gözlü sürtkəcdən keçirilir. Soğan köklə birgə qızardılır. Əgər siz salatın hazırlanmasında təzə göbələkdən istifadə edirsinizsə, o zaman göbələklər xırda kubiklər şəklində doğranılaraq soğan və köklə birgə qızardılır.

salat-cehrayi-bluz-2


3. Toyuğun bud əti sümükdən təmizlənərək doğranılır.

salat-cehrayi-bluz-3


4. Toyuq ətinin yanına qızardılmış kök və soğan əlavə edilir.

salat-cehrayi-bluz-4


5. Kubik formasında doğranmış yumurta əlavə edilir.

salat-cehrayi-bluz-5


6. Əgər təzə göbələk əvəzinə siz turşu göbələkdən istifadə edirsinizsə, o zaman onlari bu etapda doğrayıb əlavə edə bilərsiniz.

salat-cehrayi-bluz-6


7. Salat duzlanir, zövqə görə istiot əlavə edilir, mayonez vurulur və qarışdırılır. Sonra boşqaba qoyularaq ürək forması verilir.

salat-cehrayi-bluz-7


8. Pomidorlar yuyulur və qabıqları spiral formasında iti bıçaqla soyulur. Sonra qabıq geri yığılaraq qızıl gül formasında burulur. Bu üsulla lazımı qədər gül düzəldilib salatın üzərinə düzülür. Göyərti ilə bəzədilir.

salat-cehrayi-bluz-8


9. Turp təmizlənir və nazık lay ilə gül formasında doğranılır. Ortaları bolqar bibərinin tumları ilə bəzədilir.

salat-cehrayi-bluz-9


10. Dadlı və bəzəkli salat hazırdır! Nuş olsun!

salat-cehrayi-bluz-10

 

Məqalə http://lady.mail.ru/ saytından tərcümə edilib.

Mənbə http://lady.mail.ru/recipe/13787-salat-rozovyj-bljuz/

Bənzər reseptlər:

1 Şərh yazılıb

  1. Kimdən: Vusale 
    #
    2017-03-04 09:24

    Ela, halaldi!!!!