Bakı paxlavası

Hazırlanma vaxtı:
Bakı paxlavası

Tərkibi və istifadə olunan ərzaqlar

Xəmir üçün lazım olan ərzaqlar: 

  • 1 kq un
  • 2 yumurta sarısı
  • 200 qr xama
  • 100 qr ərinmiş kərə yağı
  • 0,5 lt süd
  • 1 x/q maya
  • 1 çimdik sarıkök
  • duz

Yağlamaq üçün lazım olan ərzaqlar:

  • 1,5 kq ərinmiş kərə yağı

İçlik üçün lazım olan ərzaqlar:

  • 0,5 kq qoz ləpəsi
  • 0,5 kq şəkər tozu
  • hil
  • cöüz (мускатный орех)

Şərbət üçün lazım olan ərzaqlar:

  • 2 stəkan şəkər tozu
  • 1 stəkan qaynar su
  • yarım ç/q limon suyu

Hazırlanma qaydası

1 İçlik yaxşı olar ki, 1 gün əvvəl hazırlansın. Qozu biraz tavada qızardıb ləpə çəkəndə çəkirik.

2 Hil və cöüz (мускатный орех) tavada biraz qızardılır və üyüdülüb toz halına salınır.

3 Ləpəyə ədviyyat, şəkər tozu əlavə edilib qarışdırılır. İçlik hazırdı.

paxlava_3

4 Xəmiri hazırlamaq üçün yekə qab götürülür un ələklə ələnir.

5 Unun üzərinə yumurta sarıları, xama, maya, bir çikdik duz və sarıkök əlavə edilir.

6 Başqa qazanda kərə yağı ilə süd qarışdırılır (hər ikisi də ilıq olmalı) və una  əlavə edilib yumuşaq xəmir yoğrulur.

paxlava_1

7 1 saat xəmiri isti yerə qoyuruq ki, acısın.

paxlava_2

8 Xəmir acıyandan sonra 12 hissəyə bölünür. 2 böyük kündə, 10 kiçik kündə hazırlanır.

paxlava_5

8 Xəmirin arasını yağlamaq üçün istifadə edəcəyimiz yağı qızdırırıq ki soyuq olmasın (ilıq olmalı).

9 İlk olaraq tavanı yağlayırıq. Böyük kündədən birini açıb tavaya qoyuruq. İlk acdığımız xəmir nisbətən qalın olmalıdı.

paxlava_7

10. Açılan xəmirin üstünü yağlayıb üzərinə içlikdən səpirik.

paxlava_8

11. Bütün kündələri eyni qayda ilə edirik.

12. Axırda böyük kündə açılır.Amma ona yağ, içlik vurulmur.

13. Bıçağın köməyi ilə xəmir paxlava şəklində kəsilir.

paxlava_9

14. Xəmirin üzərinə yumurta sarısı ilə sarıkök qarışığı vurulur.

15. Əvvəlcədən isidilmiş 200 dərəcə sobada bişirilir.

16. Üstü biraz qızaranda sobadan çıxarılır, kəsilən paxlavalar yenıdən bıçaqla kəsilir və paxlavanın üzərinə 2 stəkan ərinmiş kərə yağı  tökülür (hər tərəfinə eyni miqdarda düşməlidi).

17. Yenidən paxlava sobaya qoyulur.

18. Paxlava bişə-bişə şərbətini hazırlayırıq. Bunun üçün qazana şəkər tozu, su, limon suyu tökülür 5 dəqiqə qaynadılır.Biraz qatı olmalıdı.

19. Paxlavanın üzü tam qızardıqda sobadan çıxardılır isti şərbət paxlavaya qaşıqla tökülür.Elə tökməliyik ki hər tərəfinə eyni miqdarda yayılsın.

paxlava_10

20. Sonra soyumağa qoyuruq. Tam soyuduqdan sonra bıçağın köməyi ilə paxlavalarımızı kəsib çıxardırıq.

paxlava_11

Nuş olsun!