Lahmacun

Hazırlanma vaxtı:
Lahmacun

Tərkibi və istifadə olunan ərzaqlar

Xəmir üçün lazım olan ərzaqlar:

  • 4 stəkan un
  • 4 ç/q duz
  • 6 qr maya
  • 1 ç/q şəkər tozu
  • 0,5 stəkan ilıq su
  • 300 qr qatıq

Üstü üçün lazım olan ərzaqlar:

  • 500 qr dana qiyməsi (qabırğa hissəsi olsa daha yaxşı olar)
  • 2 ədəd pomidor
  • 2 ədə  yaşıl bibər
  • yarım dəstə cəfəri
  • 2 ədəd orta ölçüdə soğan
  • 1 yemək qaşığı bibər pastası
  • yarım stəkan duru yağ
  • duz 
  • istiot
  • pul bibər (zövqə görə)

Əlavə ərzaqlar:

  • cəfəri
  • limon

Hazırlanma qaydası

1. Stəkan götürülür. İçinə maya, 1 ç/q şəkər tozu, 1ç/q un tökülüb qarışdırılır.

2. Üzərinə yarım stəkandan az ilıq su əlavə olunub qaşığın köməyi ilə həll olunub isti yerə qoyulur (mayanın qalxmağı üçün). 

3. Maya qalxdıqdan sonra qaba tökülür, üzərinə  un, duz, 0,5 stəkan ilıq su, qatığ əlavə edilib xəmir yoğrulur (xəmir ələ yapışmayan, yumuşaq xəmir olmalıdır).

4. Xəmirin üzərinə nəm dəsmal örtülüb 30 dəqiqə kənarda saxlanılır ( 30 dəqiqə ərzində üstü üçün əti hazırlayırıq) .

5. Ət, pomidor, bibər, cəfəri, soğan ət çəkən maşından keçirilir.

6. Üzərinə duru yağ, bibər pastası, duz, istiot, pul bibər vurulub yaxşı qarışdırılır.

7. Xəmirdən kiçik kündələr hazırlanır.

8. Oxlovun köməyi ilə 0,5 sm qalınlığında yuxa açılır.

9.Tavanın içi unlanır. Yuxa tavaya qoyulur. Hazırladığımız ətdən, yuxanın üstünə qoyub əlimizlə bərabər şəkildə yayılır.

10. Əvvəlcədən isidilmış 210 dərəcə sobada 10-15 dəqiqə bişirilir (xəmirin qıraqları qızardıqda sobadan çıxardılır) .

11. Süfrəyə verərkən yanında limon və cəfəri verilir.

Nuş olsun!