Bu gözəl qarnirin bişirilməsini hər kəs bilir. Və hər kəs bu yeməyi özünə məxsus resept ilə hazırlayır. Kimsə yumşaq kartof xoşlayır, bəziləri isə bu reseptdəki kimi xırt-xırtlı sevir.

1. İnqredientlər.

2. Kartof yuyulur, təmizlənir və təqribən 5-7 mm qalınlıqda, uzunsov formada doğranılır.

3. Kartof bişərkən bir-birinə yapışmaması üçün onun kraxmalı yuyulub aparılmalıdır, bunun üçün kartofun üzərindən soyuq su axıdılır.

4. Sonra kartof dəsmal ilə qurudulur.

5. Tava qızdırılır. Bişirilən kartof ətirli və dadlı alınması üçün 1 diş sarımsaq və rozmarin budağı lazımdır. Zövqə görə digər otlardan da istifadə etmək olar. 

6. Tava tam qızarkən onun içinə zeytun yağı tökülür. Zeytun yağına qabığı soyulmamış sarımsaq və rozmarın budağı əlavə edilir. Təqribi 30 saniyədən sonra sarımsaq və rozmarın tavadan çıxarılır.

7. Kartoflar tavaya əlavə edilir. Diqqətli olun, kartof qarışdırılmır. Məqsəd odur ki kartof yaxşı qızarsın.

8. Kartof qızarandan sonra ona duz və istiot vurulur, qarışdırılır və yenidən bir neçə dəqiqə qızardılır (bu müddət ərzində qarışdırılmır).

9. Kartof hazır olandan sonra, lazım olduqda bir daha onu qarışdırıb qızartmaq olar. Bu üsulun sirri ondadır ki, daima böyük odda qızaran və az qarışdırılan kartof nəticədə xırt-xırtlı alınır. Nuş olsun!

Məqalə http://hellokitchen.ru/ saytından tərcümə edilib.

Mənbə http://hellokitchen.ru/217/fried-potatoes/